Psa 120 | MPS | STEP | Te sęgę enaba pedalubo sogo, eno te Genuai Bidiba i wali, tama agai eno gedu haluasa po odoyu, tama wei ponani.

Psalms 120

Bidigo te Godigo aga tau somainu, gedu haluasa po wai

1 Te sęgę enaba pedalubo sogo, eno te
Genuai Bidiba
i wali, tama agai eno gedu haluasa
po odoyu, tama wei ponani.
2 Eno gedu haluasa po te tiwai wali,
“Genuai Bidi, ena tau sao.
Tiyu, te tibo po wabo bidi dabego
ena dolidalio,” wali.

3 Dage tibo po wabo bidi dabe da,
Godigo mena sę dageba egowe?
Agai dageba te magi dene mawaibawe?
4 Te agai dage te ami bidi dabego
poa pai enego enaibao,
tama posolai sia te dage tigiba gea palaibao.
5 Ena dage tomode dwai dugulalu,
tama te ena te bulu Mesek,
me te Kedar dabe tomode
dwai dugulaluali tobage tiwai ebao.
6 Ena te gasa we bidi dabe dali bugagia
wei elama dugulalu,
te sesabi elama dugulaluama bidabo tiwai ebeo.
7 Te eno augwali bugagia dugaya
wabo sogo, augwaligo hwįainu naga yai dao.